公司Canteen咖啡

今朝，返到公司，好想飲咖啡

，又唔可以出去starxxxx

或暫Pxxxcoffee買喎，話晒返工時間，唔放便出去，於是係公司Canteen買咗杯中$5嘅頂住先！

預咗唔係咁好飲，只係想索吓啲味同暖下身！香就真係好香呀，飲就好麻麻哋喇！$5係咁上下質素喇！誰知平價咖啡係有副作用架！去到 lunch time，我竟然無胃口，都覺唔對路架喇，我無胃口好大件事架！後來索到我老細杯熱檸茶嘅味，我竟然仲想嘔添！嘩！我即刻離開杯熱檸茶，有咁遠走咁遠喇！

乜咁搞法呀！以後都咪使旨意我去買佢杯平價咖啡，可能我個胃飲慣咗好嘢，佢已經唔接受質素比較差嘅嘢喇！好彩今次只係想嘔

，唔係真係嘔！胃呀胃，我下次唔敢喇，我一定俾返杯好嘢你補數呀！

你係第

個睇呢篇網誌呀！