食完個TEA，休息咗一陣，又係時候出發喇~~~
呢一晚，我哋留返係新宿喇~~~呀VY已經攰到不得了喇~~~
哈哈~~快樂嘅Shopping時間過得真係快，咁又天黑喇！東京嘅黃昏都靚過人架~~
第一次嚟東京嘅時候，我哋傻下傻下咁嚟到呢間熊本拉麵，今次點都要返嚟食，因為真係幾好味架！其實我哋初初唔記得間舖係邊架，我哋搵吓搵下，行下行下，無意中又俾我哋搵得返喎！今次我哋有記住呢間嘢係邊架！下次唔使搵喇~~~ 哈哈！
其實我真係~~~~~好飽架喇！個胃滯住晒喇！但點都要食呢個高菜拉麵架，咁遠嚟到，唔食對唔住自己喇！真係好好味架，我嚟到呢日消化不良嘅程度都已經去到好嚴重，食咩都好似會嘔返出嚟，但係咁嘅情況底下，我都覺得呢碗麵真係好好味！好想食多碗，但係真係食唔落呀！
呢碗係chiu san嘅义燒拉麵，佢都話好好味架！
呢個餃子，真係好味到不得了呀！令我回味回味再回味呀！
呢間拉麵應該唔係旅客常到嘅舖頭喇！因為人唔多，又唔係喺大街，其它客都係本地人，但我覺得咁先比較有地道嘅味度。食到好飽，去行街幫助消化喇！
跟住我哋去咗伊勢丹，因為我要買我最like嘅茶！順便又行吓佢個地庫喇，咁多嘢食！
哈哈！我哋又買嘢食喇！不過係買嚟做宵夜嘅~~~~個樣咁靚，真係忍唔住要食喇！
我哋就係係呢間仙太郎買我哋嘅夜宵喇！
本地人都好鐘意啲啲咁靚嘅食物喎，都好多人買架！
係伊勢丹行完，我哋再去吓啲藥房買下嘢，又去便利店行下，又再去買chiu san嘅返工shirt衫，咁就返酒店喇，因為真係攰到行唔到喇！
返到酒店，沖完涼，我哋又食喇！食呢日嘅宵夜，呢個杯麵真係好味到不得了呀，係芝士咖喱味架，我係香港真係搵唔到呀！係新宿都唔係間間都有添，我見到就一買買咗好幾個，帶返香港食添喇！正嘢嚟架！
嚟咗四日，我哋酒店張枱俾我哋攞到勁亂呀，好多支茶呀，因為我哋勁鐘意飲日本嘅茶呀！好好味，好開心飲到咁多款呀！
宵夜繼續出場喇！哇哈哈，係便利店買架，又幾好味喎！
好味士多啤梨，差唔多每晚都有得食喇！哈哈哈！好幸福呀！日日都食咁多嘢咁多餐，想唔消化不良都幾難囉~~~~~
最係每日嘅指定動作，是日收獲，今日睇落買得唔太多，攞返酒店時，真係好重架！
又係休息，準備明天嘅旅程喇！
續............................
嘩~~~~~芝士咖哩面同士多啤梨呀~~~
回覆刪除