好耐無寫blog喇！因為近來好忙，忙到無時間寫blog, 搞到日本嘅blog半年都寫唔好！
首先，我同chiu san 5 月開始係日本化文協會學日文喇！目標係想考級，係日本公司返工呀！哈哈！我真係崇日到不得了呀！一個星期返兩晚呀，我哋學得好開心呀！哈哈~~~
淨係返日文，係唔會晒啲時間嘅，另一件事，算係我同chiu san嘅一件大事呀！我哋呢一兩個星期日忙夜忙嘅，係我哋終於都置業喇！其實我哋都係決定得好突然，由睇樓樓決定落訂，前後都係一個星期嘅事。
好開心我哋就嚟有我哋嘅溫暖窩，八月先交吉呀！好期待呀！好想快啲收樓，跟住仲要搵裝修，買家具等等有好多好多嘢，好想呢一日快啲到呀！
仲有一樣嘢呀！一向好代表我嘅面上兩粒墨，我又係5月脫咗喇！其實都有啲唔捨得架！不過反正早晚都要去脫，都係年紀唔太大嘅時候去脫喇！個疤會快啲好吖ma~~~
今晚唔使返學又無乜嘢搞，所以可以一連寫到兩篇blog囉~~~ 希望我可以keep住寫返blog喇，好多嘢就嚟唔記得晒喇~~~~
做業主，GOOD喎，買咗邊度呀???
回覆刪除其實我都好鐘意日本架，但係可惜我冇語言天份，學乜都唔識丫，唉!!!你要加油呀
[版主回覆06/26/2009 12:55:00]我哋買咗沙田嘅河畔花園呀, 細到不得了呀, 無計喇, 無錢買大啲呀~~你間大好多, 淨係個廚房都大好多呀~~
有新屋住, 真好~買左邊, 影D相黎睇下啦~
回覆刪除[版主回覆06/26/2009 12:54:00]我哋買咗河畔花園呀, 但仲未交吉呀~ 八月先收樓呀, 收咗樓, 再影相你哋睇吖~~
我有個FRIEND都係買嗰附近喎，我去過佢屋企，真係細，但係如果只係兩個人住，平時唔係成日約朋友返屋企玩，都幾唔錯，細細地，好溫馨的感覺，同埋遲多兩年，有錢咪換間大D囉。
回覆刪除