BBQ完，我係元旦嘅清晨3:30先瞓，chiu san就4:30先瞓，因為佢要送我返屋企，返上水，所以足足遲我成個鐘先瞓。因為太「早」瞓嘅關係，我成11點幾先起身，chiu san亦成12點幾先起身。
當我打俾chiu san，佢死死吓咁樣，原來俾我吵醒了，而且喉嚨痛添！無計，呢排勁BBQ同打邊爐，但我記得chiu san前幾日講過，想元旦去荃灣食米線，佢咁嘅狀況，點知麻辣米線呢~ 但最後，我哋都係去咗荃灣食米線。
每次去荃灣，chiu san都會嚟接我，因為由沙田去係快啲嘅，係我等chiu san嘅時間，我即刻去買咗盒金桑子俾chiu san，喉痛呀！我估金桑子都有啲效嘅！
去到荃灣，第一時間去食米線先，成3:00 喇，好餓呀！食完，我哋仲買咗糖蔥餅食呀！好滿足呀！
跟住，我哋去咗熊貓酒店下面個商場行街，仲俾我哋係酒店對面馬路間麵包店，見到個舊同事，我知間舖係佢老公嘅，只係唔知分店開到去荃灣姐，佢以前一路都無落鋪幫手嘅，我只係八卦望入去，竟然俾我見到一大個老闆娘係度收錢！哈哈！真係天下無不散矣筵席呀！我哋仲幫襯佢買咗兩粒芒果糯米添！
沒有留言:
張貼留言