訂咗花球啦

訂完過過大禮套裝，我哋去埋秋子花藝訂花球。
因為朋友介，所以識去秋子訂。亦上網睇過comment，都係讚多過彈。
第一次上秋子，係唐樓嚟，上到去，已經有唔少人喺度睇花球相，訂花球。
我一早就搵定啲我想要嘅花球相，一上到去就比佢睇，佢哋果然好pro，即刻講到係咩花，到時有無。
我比兩張相佢睇，一款要貴啲，但到時未必有呢隻花，另一款平啲，到時一定會有。
於是就建議我先訂平果個先，到時返到再通知。我就係揀咗下面呢兩款嘅相喇！

仲建議我哋大約係big day前一個星期就去花墟睇下我揀果啲花到時有咩色，啲色我鐘唔鐘意再同秋子confirm我個花球。
另外，我係秋子訂埋手花果啲。佢仲會送頭花，哈哈，我就係知道佢有頭花送，所以更加會決定揀秋子。
我哋係秋子見到人哋訂咗嘅花球，雖然唔係我鐘意嘅花，但真係超靚，而家我已經好期待見到我嘅花球啦！
另外，我仲係秋子撞見我公司一個早我一個月結婚嘅同事，佢又係喺度訂花球，仲係度整埋video，佢就係係度睇段video。世界真係好細。 :-D