vychiu's Wedding 之 訂製利是封

上個星期六，除咗去攞相，仲去埋訂製 vychiu 專用嘅利是封。
我哋用 backdrop 個 logo 去做利是封。
印刷我哋用返上次我哋印帖果間囍帖廊。
因為我哋一早諗好咗要咩SIZE 同埋諗住 LOGO 點印，所以上到去就好快手咁開單，俾LOGO檔案佢。
上到去基本上係揀個封嘅顏色同埋燙唔燙金啫。
我想係過大禮之前取貨，咁到派帖時就可以用 vychiu 利是封啦！好彩囍帖廊話應該可以趕到比我哋呀！
draft都未睇，我就已經期待實物嘅出現啦！