2008泰國芭堤雅之旅 第一天 第十話 (芭堤雅灘篇)

續2008泰國芭堤雅之旅 第一天 第九話 (求其一餐篇)

食飽肚, 我哋就出發去芭堤雅灘, 因為我哋諗住係果度book local tour第二日出去珊瑚島玩, 由酒店出發, 行一條大直路就會到芭雅灘.

途經我曾經想住嘅一間酒店, 呢間都好多明星住架, 不過我都係想住resort feel嘅~~

我發覺呢度好多時都會見到呢啲牌, 係橫誇馬路咁嘅, 我估相入面都係啲大人物嚟卦~~

第一次見到真係有椰子嘅椰子樹呀, 子興奮呀, 我哋咁影, 笑死啲當地人喇

原來椰子係九橙色架~~~

到咗芭堤雅灘喇~~

而我影住嘅, 就係同沙灘一條馬路之隔嘅酒店, 呢度好多酒店, 差唔多一間接一間架~

我哋就係喺沙灘嘅頭開始行喇~ 本來諗住成個沙灘都會係椰林樹影喇, 椰子樹就大把, 但無影呢, 點解?? 太家有無發覺, 陽光突然唔見咗, 成個天都係雲呀~~!

仲越嚟越大風添, 你睇我又靚女變咗癲婆就知喇~~~

我哋搵呀搵, 都搵唔到果間嘢book local tour喎, 唯有過返條馬路, 係啲舖仔度搵, 原來啲local tour係晒呢度喎, 仲多到唔知邊間好, 唯有再行, 睇吓搵唔搵到我哋想搵果間喇~

不過真係人有不測之風雲呀, 我哋諗住渴喇, 入七仔買嘢飲, hea咗一陣, 一出七仔, 可怕兄事就發生喇~~

我係第一個出七仔門口嘅, 我見到個天已經黑晒, 海灘基本上係無晒人, 最可怕兄係, 好大風, 大風到將沙灘啲沙吹起有兩三層高呀, 真係[沙幕]呀, 好驚, 我唯有叫佢哋都快啲走, 越走越唔對路, 啲風好勁, 啲沙打埋嚟好痛, 我好驚, 我以為又海嘯呀, 果一刻我以為自己死梗呀, 我回頭望一下佢哋, 我只聽到fung san講[戴返副太陽眼鏡先喇, 唔使吹沙入眼呀!] 有道理, 即戴! 我哋走呀走, 係跑先啱, 走返入去內街, 風無咁大喇, 不過開始落雨, 仲越落越大添, 簡直係狂風雷暴~~~

於是, 我哋就係A-one Hotel度避雨喇~~~~

即係, 我哋book 唔到 local tour 喇, 好失望, 今日咁嘅天氣, 都唔知明天點, 唉~~~

Today: Yesterday: