2008泰國芭堤雅之旅 第一天 第十一話 (泰美味篇)

續2008泰國芭堤雅之旅 第一天 第十話 (芭堤雅灘篇)

我哋冒住雨，行咗去我哋心儀嘅一間泰國菜館--[PIC]，我哋一嚟到，都無乜人，只有一班人係度落緊單，我哋就等到我哋落單。

喺呢度食飯，首先係地下一層落單先，跟住係呢度等，到啲餸菜上得枱，先會叫你上去食飯嘅地方，食嘢嘅地方，要除鞋架（好彩我哋個個都係着拖鞋）。咁樣食飯，都係第一次，好似好奇怪咁，不過等同食嘅地方都坐得好舒服！係黑咗啲，啲燈光好暗。

唔少得春卷喇~~

去到泰國，我餐餐都係飲果汁架~~~

個待應話，好多中國同香港人都會叫呢個菜，我覺得因為我哋有食菜嘅習慣，而呢度又無乜菜嘅選擇，所以就多人叫喇~~~

青咖哩

葉包雞，乾身啲

啲生蝦刺生，好味，我平時唔食生蝦嘅，都食咗幾隻呀！

呢一個煲，係咪好得意呢？

係冬陰公湯嚟架，好好味呀！

最後加咗個豬頸肉，不過似瘦肉，唔係咁好味嘅~~~
但總括嚟講，呢度啲嘢食係真係幾好呀，好想再嚟食呀！

食完就梗係喺門口影相留意喇，呢度好勁架，攞過獎架，不過唔知佢攞咩獎，泰文嚟架嘛～～～

Today: Yesterday: