vychiu's Wedding 之 Decoration - 同Oscar會開傾主題

7/6 我哋又約埋decoration 嘅Oscar 出嚟傾埋我哋個主題，終於都要開始諗要咩主題啦，haha.

之前一路未定要咩主題，因為唔想咁一般，想有返啲我哋嘅特式。係見Oscar 之前幾個鐘，我先諗到用咩主題。Hahaha！好彩，唔係都唔知人哋點幫我design。

因為我唔係一個浪漫嘅人，又更加唔係一個斯文同好lady嘅人，我總係好似仲未長大咁嘅，hahaha，所以唔想用懶浪漫嘅設計。唔多襯我哋兩個囉。

要我諗用一隻color 去做主題color 我又唔想；好多人用粉色做主題color，但我都唔係一個咁粉嘅人，我鐘意繽紛啲嘅嘢。

最後我決定咗想要七彩繽紛嘅遊樂場為背景。Hahaha。

好彩，Oscar聽到之後無覺得我哋好古怪，仲覺得呢個主題好開心添。

而家就要等待Oscar出個draft
design俾我睇喇，好緊張呀！

Oscar仲會幫我design 埋我哋嘅帖，成件事就會變得一系列啲啦！