同屋企人去食UCC

因為我轉新工，人工將會加小小咁喇，咁開心，點可以獨樂樂架，梗係要眾樂樂架喇，所以我就請我屋企人食飯興祝吓！

未試過一家四口去据扒，所以我就同佢哋去咗新世界中心嘅UCC据扒。

因為妹子較遲放工，我同媽咪、BB (my brother)先行入座，當我妹子到嘅時候，佢竟然話：「哇！我哋未試過一家四口一齊上高級廳食飯呀！」「高級餐廳」？唔使咁誇張呀，可能個裝修唔錯，所以佢以為好高級！

我建議佢哋食扒喇，因為抵啲吖嘛！我都係師奶仔一名，貪小便宜，加埋日益暴肥嘅情況，真係好有潛質做師奶。

媽咪叫咗牛仔骨，幾好樣咁喎，不過唔夠熱嘅？

我又食返我嘅薑汁豬扒，我覺得最好美呀！

BB梗係食雜扒喇，大大碟，啱佢發育時期呀！如果仲有得高嘅話！

妹子因為唔舒服，無份食扒，只叫咗個意粉！

我哋怕食唔晒，只加錢要咗兩個SET，所以有得個沙律，初時都怕食唔晒，不過有BB係度，真係膽心嚟都多餘嘅！

不過，唔好以為我哋去「高級餐廳」我哋就好有儀態呀，一樣痴痴呆呆咁坐埋一枱，咩都笑一餐，隔離枱都不時望吓我哋！不過佢哋睇唔到，我都唔話佢哋食喇，因為呢度真係唔係咩「高級餐廳」，我唔理咁多LUR，開心就得喇！

Today: Yesterday: