4 Mar 2008 (Tuesday)
chiu san突然好想食Pizza Hut，我哋都好一段日子無食喇，我都想食吓，於是就去咗海港城嘅Pizza Hut食晚餐喇！
唔知點解，我哋唔係咁好西餐，偏愛日本料理，繼而中菜美食(米線為甚)，只有少數西餐我哋會選擇。Pizza Hut係其中之一。
呢日，我哋一如以往，叫2人餐，有沙律，兩客餐湯
不得不提我最愛嘅海鮮闊條麵，我鍾愛嘅程度，真係有啲誇張，話說有一次我帶咗飯返工lunch食，但突然想食海鮮闊條麵，連飯盒都唔理，一定要食到為止，於是求叫埋啲同事一齊食，好難先搵到同事一齊叫外賣，終於都食到，好滿足！所以去Pizza Hut差不多每次都會食海鮮闊條麵！今次個餐都係包埋嘅！好開心呀！
仲有個小吃併盆，併盆入面又有我Pizza Hut至愛小吃，辣雞亦，好味呀！
主角出場喇，新批呀！海鮮鮑汁片三重芝心批，都不過不失喇，係條邊好味，除此之外，好似無乜特別呢！
仲有一個甜品！
兩個人食，好飽足呀！
我都鐘意 pizza hut 的批。但我比較鐘意佢有一款清清地、有蒜香味、最普通0既0個種意粉 (名稱忘了)。
回覆刪除但前排發現佢加價、同埋有個係雜誌做的朋友同我講佢本雜誌踢爆0左 pizza hut 個批縮0左水，就唔再係雜誌落廣告後 (咁我都覺得如果我係間公司，都唔再落廣告啦，咁唱我)，有小小失望啦......
見你個 post，搞到我都想食！
不如搵日係公司叫外賣啦！
擇日不如撞日，叫外賣慶祝復活節！
[版主回覆03/06/2008 19:10:00]好呀！順便慶祝大白鯊放假喇！
睇到都好肚餓呀
回覆刪除[版主回覆03/06/2008 19:11:00]係呀！唔知點解睇人哋blog嘅野食係好味啲咁！
我星期一都係食Pizza Hut ar~
回覆刪除好明顯你係用HSBC Credit Card的餐！哈！
[版主回覆03/07/2008 10:20:00]係呀！唔係點會食佢吖，咁貴！