尋日收到一個突如其來嘅消息，就係一路以為無望抽中嘅居屋，竟然來信通知下個星期二去揀樓，嘩，好開心呀，原來我哋可以咁lucky架喎。
但原來呢一切都係夢，原來我哋兩個如果又要養屋企(各自的家)，又要供樓的話，係根本無能力，計咗成晚都計唔掂條數，即刻由天堂跌返落谷底，好失望。
突然好大壓力，又要養而家呢個屋企，又想為自己將來個屋企作打算，但根本有心無力，係現有嘅環境條件，只可以為依家個屋企努力，根本唔容許我去計劃我嘅將來。我嘅將來？似乎仲有一段長時間先可以預見，而家個對將來嘅感覺，就好似伸手不見五指，迷咗路喇，有排都未搵到出路喇。
唯一嘅曙光，就係今晚開嘅六合彩，7000萬架，我唔大貪，中幾百萬就得架喇，至少買得起層樓，可以細裝，買埋傢俱咁，我都好滿足喇。不過呢個又係一個無乜可能嘅機會。唉~~~~
沒有留言:
張貼留言