第二天 - 日本東京 -涉谷 原宿 池袋 自由行 (25/4/2007)

第二日，天氣都係唔多好喇，一早起身，由酒店房望出去，好多趕住返工嘅[遮仔]呀，好得意，即刻影低佢先！

人地返工嘅時候就係我哋出發嘅時候喇，我哋係喺呢個月台口上去就坐山[山手線]往我哋第一個目的地出發喇！

到喇到喇，我哋9:40到咗涉谷喇！

好多人一齊同我哋落車呀，不過佢哋係去返工，我哋就去shopping，真係好多人呀！不過佢哋好有禮貌，唔會推嚟推去。好有文化呀~~~

呢部就係suica卡增值機，我唔使用架，不過扮下嘢影下相咁囉！

仲有電子熒幕路線圖添，勁呀！

一出涉谷駅，就見到[蜘蛛俠3嘅]巨型大poster喇，日本人都好鐘意咁喎~~~我都好鍾意架！

駅前景色呀，都好靚呀，不過仍然下雨中。

周圍行，因為太早嘅關係，好多嘢都未開，於是我哋先行搵食，食吓早餐先。

周圍嘅食店都未開，終於找到間喇，就係呢間自己買票嘅速食店喇！
首先要係我身後邊，有[食劵]字樣嘅呢部機，自行買票，然後將票交給呢度嘅工作人員，然後選擇麵類，其實兩種麵都唔知係咩，於是求其揀咗一款，等食。

有得食喇，唔係好記得係咩名喇，睇相算吧喇！

好豐富呀！呢個只係早餐咋！

你睇我哋食得幾知味~~~~~

就係呢間喇，都唔錯架，最緊要係唔使識日文都可以自行叫嘢食。

仲俾我見到郵筒添，即刻影相留念喇，無計，職業病，我喺郵局做得太耐喇！

周圍行吓行吓，啲舖開始開喇，可以行吓喇，我哋去咗UNI QLO喇，一啲街舖仔喇，買吓衫，買吓波鞋，睇吓首飾咁。

又係因為天雨關係，又要掛住行街，又無乜點影相喇。之後我哋就趕去下一個目的地喇！