第四天 - 日本東京 - 築地 上野 淺草 秋葉原 (27/4/2007) 之四

我哋嚟到咗[秋葉原]喇！要睇吓係咪有好多電車男先！
我就覺得[秋葉原]個日文名真係好搞笑好長，[a~ki~ha~ba~ra]

其實係[秋葉原]，都無乜特別嘢想行，只係想嚟睇吓，見識吓，買game買公仔書，唔係咁啱我呀！


呢都仲有好多電器賣，嘅電話好鬼靚架，可惜香港用唔到喇！

行到入黑，睇咗啲game呀，扭吓旦呀，買吓手信呀，咁就行到嚟JR駅。駅前有架粉紅色車仔，有人圍吓圍吓，一定有嘢睇，唔好執輸，快啲走埋去睇睇先~~

原來係pan cake呀，橫掂未吃晚飯，食返一件先。


真係唔係好啱行，又要快啲返去新宿食牛扒，因為人家只開到10:00咋~~好！搭JR走人！

好！到咗係新宿西口附近嘅呢間淨係食牛扒嘅！

我哋食咗中間[厚切]嘅B&C餐，有幾厚？睇吓先~~~

一SET有一碟仔飯，一碟仔菜同一個湯，不過俾我飲咗，所以影唔到唔計牛扒，個碟菜同個湯，都幾唔錯架！

真係好厚呀!!!!連我唔鐘意食牛嘅，都覺得好好味呀！鍾意食牛嘅朋友，記得去試吓喇！

呢日嘅行程就咁完咗喇，返酒店之前，又去便利店買夜宵同夾公仔。可惜太飽，返到酒店食唔落，唯有將啲咖哩芝士味杯麵猜返香港先食喇！