是日午餐 ( ~ o ~ ) [媽咪愛心上海粗炒]~~ 一番。O~ I~ SHI~

今日我嘅午餐(飯盒)係：登登登！[媽咪愛心上海粗炒]

睇落係咪無咩特別呢，不過係媽咪第一次整呢個菜式呀，無師自通，值得嘉許呀，因為好好味呀，唔好睇啲粗炒無街果啲深色呀(只不過人家果啲係加咗色咋)，不過就好夠味呀，仲有我哋最鐘意嘅[蟹柳]添呀，街無得食架！嘻嘻！

食咗咁大兜粗炒，都要飲返杯茶，以下出場嘅係：
登登登！日本[綠茶]

如果心水清，應該會記得呢包茶其實喺我之前其中一個blog有出現過，不過超細粒，因為喺我去[日本][築地]其中一樣戰利品呀！我喺公司嘅時間仲多過喺屋企，所以放喺公司得閑享受吓。好唔好味？o~ i~ shi~，鐘意綠茶嘅朋友，去[築地]嘅時候記得買返包嚟試吓喇，一包都有排飲呀，有成250g架！

一個咁休閑嘅lunch又結束咗喇！