第四天 - 日本東京 - 築地 上野 淺草 秋葉原 (27/4/2007)

嚟到第四日，我哋嘅行程好緊密， 築地->上野->淺草->秋葉原。

一大清早，06:00起身

，因為要去[築地]食新鮮嘅壽司，YEAH！07:00出發，首先係去搵個車站，我哋今次係搭都營鐵路，[都營大江戶線]。一早條街無乜人，啲舖又未開，認路有啲難，係個地下通道行咗好耐，我諗都有15-20分鐘，先至搵到[都營大江戶線]嘅入口。

睇吓chiu san搵到面都黑晒呀

！
係途中都有見到其它國家嘅自由行(鬼仔)去[築地]，咁又跟住一齊行。

搭車無野做，做下狗仔隊先！唔好咁大聲呀，人家搭車好靜架！

到喇到喇，出咗去有好大個[青果門-築地市場]嘅牌。
淨係睇個名都知....

入面係生果批發，好多一箱箱嘅生果呀

。

再行入啲，跟住就係魚市場喇！

呢啲車仔周圍都係，穿來插去，我地行嘅時候都好驚險呀！


係築地市場行咗差唔多有半個鍾，又身體語言用本旅遊書去問人，終於去到食壽司嘅地方喇！已經差唔多08:30喇，比預期晏咗半個鐘。
你睇有幾多間壽司舖！不過我地遠度而來，梗唔會食求其一間嘅！

嘩！[壽司大]咁多人排，唔食lur，去食[大和壽司]，事關無人排隊。

入到去，叫咗兩個一人前。嘩！好豐富呀！好好好好味呀！

連chiu san平時唔食蝦，都讚生蝦壽司好味呀！


間舖好細，啲師就坐係你面前，我身後面就只可以企到一個身位。


好味到不得之了呀！


食到好飽，梗係要周圍睇吓，參觀吓先喇，又見到呢啲車仔喇！

嘩！大大粒[士多啤梨]呀，1000日元咩，即刻買咗一盒，嚟幾日第一次見咋，好開心呀！

好繁忙嘅市場呀，係相嘅右手面就係食壽司嘅舖頭喇！

嘩！仲有大過chiu san隻手嘅白菜呀！勁呀！

行出咗築地市場，繼續行築地。

呢度有好多立食，可惜太飽，食唔到。






我哋搵下搵下，終於搵到chiu san鍾意食嘅玉子燒喇！chiu san一個箭步走埋去買！

去到[紀文]，又買野食。

呢個阿叔好好人架！雖然唔知我地講咩，但都好有禮貌咁幫我地！

記得唔好係條街度行住食煙呀！如果唔係就會好失禮喇！


見到啲好似好食嘅，chiu san又買！


好喇！又係時候走人，趕去下一個目的地─[上野]！

搭車走人。係地鐵駅，終於都俾我發現到紀念印喇！佢就係咁唔起眼咁企係一邊，好彩都見到，即刻印吓先，唉~點知啲墨水乾得八八九九，好過無喇！

搭車無聊，又做狗仔隊！個車箱真係好靜架！