落雨的星期六

星期六，落狗屎般落大雨，原來係黃雨，唔怪之得喇。我去接chiu san放工，跟住就出發去旺角食lunch。係去旺角途中，chiu san就好珍惜時間打NDS，佢玩COOKING MA MA呀，實在好好玩唷！

去到旺角喇，搵呀搵，終於搵到[毓民私房牛肉麵]喇，聽講呢度啲牛肉麵好好味，所以chiu san就要嚟一試。呢到都好多人嚟食呀，要等叫飛仔架。

chiu san就叫咗佢最想試嘅[招牌牛肉麵]，青紅羅白湯底，個湯底都幾好喎，不過牛肉就得3件，好似少咗啲喎，同埋味道就好一般。


我就叫咗[軟香排骨麵]，我個人認為非常普通，排骨唔係好香，我唔會再專登返嚟食喇。

食飽飽，去咗[朗豪坊]行街，竟然有大發現。
竟然有間[夢幻世界]，有啲似曾相試咁，我哋二話不說，就走咗入去，嘩~

原來係日本街頭嘅來公仔店呀，好懷念呀，呢度真係好似日本呀，周圍行呀行，仲俾我哋見到呢隻relax bear添，我地就用咗6大元玩咗一次，嘻嘻，失敗而回。

行完[朗豪坊]，係時候去探公公喇！

chiu san去探公公，我就係第一城車站等chiu san，好大雨呀！

為咗解悶，我就食住呢包蝦餅等佢

探完公公，我哋就去咗新城市食飯。

我哋去咗[滇家菜]食，好耐無食喇，我哋好鐘意食架！
我哋叫咗個二人餐，先嚟一個小吃，牛展，好味呀，好味過lunch果個牛肉麵呀！

住一人一個烏鷄湯。正呀~~~~

有兩個小菜，我哋揀咗時菜同..

咕嚕肉

仲有一人一大碗米線，好味呀！個湯底都好正呀！