指甲show

尋日去咗化妝展，因為我miss有份做指甲show，勁呀，所以一定要去捧場支持。

個show 2:00開始，我同Flora，Crytsal 1:00已經到咗灣仔會展喇。我哋好心急咁係台前坐底等睇show。

第一間出場係 Nail Collection，不過我覺得佢哋有啲唔係指甲囉，好似成隻紙套套咗落半隻手指咁，又或者我見識少喇。

呢個就以蛇為題喇，好妖呀！

呢個一睇就知佢係豹先生喇！

呢個係蜘蛛先生，唔係蜘蛛俠呀！

呢個咁多花，仲唔係〔愛花仙子〕！

其實佢哋整體都幾好睇，好有舞台feel呀！唔睇指甲，啲body printing都好靚架！

跟住就係PolkaDot，即係我讀嗰間學校，主題係〔浪漫戀曲〕。係三間中最樸素嘅演出，只show甲藝，反而我覺得咁先係指甲show，係應該着重show甲，其它唔使咁誇呢！

而且啲medol全部都係學生嚟添呀！勁呀！





仲有我個同班同學Jade添呀，佢真行得唔錯呀！

第三間係T-Collection，又係整體都好華麗。

個show完咗，我哋即刻去捉住我miss嘅medol影相，細心欣賞一番。嘩！好靚呀！

呢個係牛朗織女呀！

嘩！對手合埋，就有一對戀人係度kiss kiss喇！仲有幸福魔天輪添呀！全部用水晶粉做架！

南瓜車呀！好靚呀！我最鍾意呢個呀！





同學仔同miss(右二)合照呀！好開心呀！

呢日好開心呢！