定食 no DORAYA

得到好孩子嘅介紹，尋日我哋就去咗銅鑼灣嘅[定食 no DORAYA]，真係唔錯嘅介紹喎！

地址：駱克道451號（灣仔消防局後面）

我就叫咗個８號定食〔藍鮨吞拿魚赤身刺身定食〕
chiu san 就叫咗個９號定食　〔特選藍鮨吞拿魚片壽司飯定食〕

下面呢個就係chiu san嘅〔特選藍鮨吞拿魚片壽司飯定食〕

睇吓啲吞拿魚生片，好肥美呀，味道同口感真係唔錯呀！塊薄荷葉仲好大塊添呀！

其它前菜同湯，水準唔錯呀，可惜我係唔食豆嘅！



下面呢個就係〔藍鮨吞拿魚赤身刺身定食〕

說實的，味係唔錯架，不過呢，太凍喇，喺冰箱啱啱攞出嚟咁，咁就減晒分喇！所以我留到最後先食，唔凍就好味喇，但味道當然遠不及上面嗰個〔特選藍鮨吞拿魚片壽司飯定食〕喇！

喺香港如果要食日本嘢，呢度真係非常好嘅選擇呀。下次要去尖沙咀間分店試下先。