vychiu Wedding 之 敬茶茶壼

距離big day倒數仲有88日咋！

去伊甸園辦擬結婚通知書之前，途經百利，我哋就去買埋我哋睇中咗嘅敬茶茶壼套裝。

我個人好得意，其實唔係思想好傳統嘅人，但有啲嘢我又好堅持用啲好傳統嘅嘢，好似褂同敬茶茶壼。

我哋睇中嘅，同一般紅白色嘅唔同，係金白色嘅，仲要比一舨嘅貴啲。不過都只係$168啫，哈哈。

好開心買到心水敬茶茶壼，有時啲嘢，貴嘅都未必係你心目中想要嘅，真係難得買得心頭好呀。