為人師表？

face book，真係一個幾好嘅地方，佢唔單只係找尋多年不見嘅朋友仔，仲有可以知道以前學校嘅老師，今日會係點！

睇吓下面張相，相中人，竟然係我以前中學嘅一位老師。佢係一次學校陸運會中，安然咁係會場瞓覺，佢真係為人師表囉！真係笑大人個口呀！我睇到真係笑咗好耐。

我讀書嘅時候，佢已經係我校教緊，見到佢今時今日會係陸運會場瞓着，一啲都唔出奇呀。

因為當年，呢位老師都教過我(好彩係啲唔太重要嘅科目)，好多時上佢堂，都會等成十分鐘都唔見佢嚟班房，我哋個班長就會去教員室搵佢，每次佢都係喺教員室，不過就同上面張相一樣，係瞓緊覺，瞓到過晒時間都唔記得嚟上堂！哈哈，果陣時已經知佢係一個咁意瞓嘅人，只係估唔到佢係sport day都瞓，仲要咁揚！被學生影埋都唔知。點解咁都唔炒佢呢！