8號風球

10 Aug 2007 (星期五) 8號風球

2:00p.m. 天文台話兩個鐘之後掛8號風球，因為我公司要掛正8號先走得，於是個個係度等，又有啲無謂嘅同事係度嘈點解唔走得。唉，其實公司係初夏嘅時候，已經出咗颱風指引，係掛正8號先走得，啲同事又唔睇，打風時又係度嘈，煩到死。

2:30p.m.天文台突然掛正8號風球，又會咁突然，咁啲同事更係拿拿聲走人喇，驚無車坐嘛。

chiu san同我一樣，掛正8號先走得，於是我哋約埋一齊走。本來chiu san話一齊坐MTR返尖沙咀，叫我係中環MTR站等佢。點知，我落到去中環站，入咗閘，竟然落唔到月台，啲人多到，企晒係度，根本行唔到，我即刻想出閘，幾經辛苦打到俾chiu san，佢係灣仔果邊仲勁，根本入唔到MTR站，於是佢坐叮叮過嚟中環，我又出返閘，一齊去天星碼頭搭船。

好多人去搭船返家呀！

我等chiu san嘅時候，係往天星果邊橋諗住影吓大風大雨，點知‧‧‧‧

過到尖沙咀，天氣終於開始變壞喇！

去到文化中心，今次真係大雨大風喇！嘩！行出啲都俾佢吹走呀！

搞搞吓，成4:30p.m.先返到屋企呀！