減肥第二日

今日係我減肥嘅第二日，尋日食咗一日減肥餐，感覺都ok喎，夠飽，唔餓，feel so good！

好今日要繼續。

今日返到公司，有同事知我哋(我同另一個同事)食緊呢個餐，就幫我哋剪咗有關嘅報紙俾我哋睇。直頭係講呢個餐單。嘩！好開心，即刻睇，一睇之下，發現..... 我第一日已經食錯咗一樣嘢，我尋日lunch食咗蘋果。根據報紙所講，呢個餐單唔可以食錯嘢，沙律蔬菜原來係唔包括蘋果、粟米。因為兩者都含高澱粉質同高醣。我尋日仲食咗整整一個蘋果。第一日已經食錯咗一樣嘢，激死喇！

於是一早預備好喺lunch食嘅蘋果，今日lunch當然唔會再食喇，不過食嘅份量自然少咗，仲要唔夠飽添。無計，要忍口。

初初以為12日嘅忍口期好易過，點知，今日只係第二日，唔知點解個腦成日出現啲我好鐘意食嘅嘢，例如我至愛嘅米線，my god!!!! 今日因為食唔飽，lunch之後兩個鐘已經開始肚餓，我又唔可以食嘢，鳴.......

為咗瘦10磅，我一定會忍架！加油呀！8/9就回復自由架喇！