五星級大鼠

1 Sept 2007 (Sat ) 晴

 

一早起身，食定我個減肥早餐，準備等chiu san放工，我哋訂咗票係金鐘AMC睇[五星級大鼠]。

本來呢期我無乜興趣睇戲，因為減肥中，唔可以食爆谷，飲汽水，咁睇戲都幾辛苦，今次只係因為chiu san想睇，所以都係睇咗。本來佢想睇[變型金剛]，不過時間唔係咁啱，先改睇呢一套[五星級大鼠]。可能係我對套戲無乜大期望，又或者呢套戲本身都唔，睇完出嚟，有一種「好彩有睇咋」嘅感覺，因為我覺得真係幾好睇。

其實諗真啲，如果現實有隻老鼠喺廚房出沒，我諗我已經嚇死咗，唔好話要去食佢整嘅嘢！好彩呢套係卡通片

。除咗佢啲公仔靚之外，佢都帶出咗一啲好好嘅訊息，而且簡單易明(我咁白痴都明)，其實真係好啱大人、小朋友睇呀！真係一套唔錯嘅卡通電影呀！