2008年4月1日，9:30返到新公司，心情係有小小緊張架，新公司，新同事，新工作，新老細，新挑戰，全是未知嘅！但亦有小小興奮，因為我鍾意有挑戰！
經過3日新工司嘅工作，總結，同事們都好好人，老細俾我嘅感覺係超好人，感覺良好！第一天同事們仲同我去飲茶，飲足個半鐘，從前舊公司沒試過呀！(唔係事們嘅問題呀！)
頭三日嘅工作，全都係handover，我呢個位好多嘢會理到呀，首先係全公司嘅會計，原來都係我做，好難呀，雖然我以前亦試過做全公司嘅會計，不過公司無呢間咁大，業務無咁多，一時間係我面前有勁多挑戰，有小許興奮！(我係有小小變態)另外，公司嘅總adm.又係我，訂水、訂紙、一切雜務，我管晒，一個大管家。仲有，係有一小部份marketing嘅嘢會學，但未學到，下個星期先學！突然我覺得我融入返呢個社會，唔再係一個無所事事嘅人！
返咗三日工，我已經好快咁適應咗喇，係好掛住舊時嘅同事，所以返咗三日工，分別有兩日同咗查小姐同Eidth小姐食lunch，大家都好關心我新公司情況，放心吧，相信我會做得幾開心，好彩我哋公司咁近可以一齊食飯。
好！仲有好多嘢要接手呀！加油呀！
 Today:  Yesterday:  |
新工好似不錯, vy要加油~
回覆刪除[版主回覆04/11/2008 20:30:00]係要勁加油呀，連寫blog都無時間呀！好想放假呀！
好羨慕，可以轉到一間更有前途更開心的工作，加油呀！祝早日達成願望。
回覆刪除[版主回覆04/11/2008 20:31:00]雖然係忙，但都做得開心嘅，我會加油架！
最緊要就係d同事好, 老闆好
回覆刪除比心機呀~~
[版主回覆04/11/2008 20:31:00]佢哋真係唔錯，係咁嘅環境下工作，人都開心啲呀！
當然要後生學多D嘢啦，忙!!唔係問題
回覆刪除[版主回覆04/11/2008 20:33:00]我都同意你嘅講法呀，忙唔緊要，最緊要有意義同開心呀！