返咗新工唔覺唔覺咁就兩個星期喇！只係兩個星期，好似返咗好耐咁，已經投入咗新公司嘅環境喇！
返新工轉咗個新髮型，不過都係唔慣，依然係束起晒啲頭髮！嘻嘻！
我公司做咩嘅？同電腦有關架！連本筆記，熒光筆都靚過人！
我嘅上手同事，陪我兩個星期，上個星期終於last day咗喇，尋日我終於開始獨擔大旗喇，做到傻吓傻吓，呢兩日變咗大頭妹呀，因為做到頭都大埋。
好耐無試過由一返工到放工都咁充實，連續兩個星期，返五日半，真係幾攰，所以一路都無心機寫blog，加上之前屋企電腦打柴，所以寫唔到。
係呢間公司做，確實幾開心，多係多嘢做，但係啲同事好好，暫時未發現有咩是非，佢哋個個都好好，我有唔明，問佢哋佢哋一定會好好耐性咁指導我。老闆又不時請TEA，又蛋撻，又雪榚，又飲嘢，呢兩個星期都食咗唔少呀，一定會變肥婆喇！不過，SO WARM！
嚟緊，我唔知要做多幾耐大頭妹呢？
 Today:  Yesterday:  |
恭喜你呀,搵到份好工!!而家搵份好工又要d同事好真係吾易架,你真係好好彩~~繼續努力!!!
回覆刪除[版主回覆04/16/2008 22:33:00]真係要加油呀！因為啲嘢仲未上到手呀！今日又做咗大頭妹喇！唉～
你係做咩post??
回覆刪除有靚文具陪返工, 開心好多~
[版主回覆04/16/2008 22:35:00]admin. clerk呀！不過又做admin, 又會full set 會計，又marketing，以家仲未上到手呀！
啲筆係一次function嘅禮品仔呀，好靚呀！
d筆又幾靚喎!!
回覆刪除[版主回覆04/16/2008 22:35:00]啲筆係一次function嘅禮品仔呀，好靚呀！我唔捨得用，俾咗我男友用，嘻嘻！
唔洗做好耐大頭妹的，因為你咁醒，唔洗一個月就熟晒啦，努力
回覆刪除[版主回覆04/17/2008 22:33:00]等我唔使做大頭妹嘅時候，我哋又再出嚟食吓飯吖！
我成日覺得, 找到好工真係好幸運嘅一件事, 唔係個個都可以咁幸運, 加油呀!
回覆刪除[版主回覆04/17/2008 22:34:00]我，都覺得我好幸運呀，就算工作再忙，有啲好同事，都會做得好開心呀！
難得搵到份咁"正"既工,你要俾心機啊~ !
回覆刪除[版主回覆04/18/2008 23:03:00]係！希望我不負眾望喇！大家都在為我加油呀！好感動呀！
祝工作順順利利 , 加油 ! 加油 !
回覆刪除已過了差不多十天都沒更新了，很忙吧？
回覆刪除[版主回覆04/25/2008 13:11:00]都係呀，不過習慣咗好多喇！等我update 一下先！
加油加油！
回覆刪除好喜歡妳呢身打扮呀！成熟左，又pro左。