第一日返工，我已經留意到同事們嘅衣著，係好斯文吓，唔係話要著套裝，但女仔都要著到好女仔吓，我就即刻問吓啲同事，返工要點著，無錯，係要著好啲。唉！上次買嘅，只夠一星期著，無理由每個星期都著住同一樣嘅衫架嘛，於是襯尋日放假，又同朋友一號Zoe去買衫。又要洗錢呀！
今次，聽到各方好友嘅建議，去咗葵芳、荃灣睇衫。果然無介紹錯呀，啲衫同老尖、旺角好唔同喎，仲幾啱睇呀！行咗半日，都有唔少收獲呀！不過就買到有啲肉痛呀！無計喇，初頭係要用多少少錢買衫！
從今開始，我嘅衣著起咗革命喇，變得女仔咗，其實我都好開心架，有邊個女仔唔鍾意扮靚架，以前公司只要著好少少，啲人就會投以奇異目光，話你「係咪去飲呀？」等無聊問題，所以好無心機去扮靚，而家就可以日日扮靚喇！好開心呀！
 Today:  Yesterday:  |
葵芳和荃灣的確好多女仔衫賣架！不過上衣不可以試著，買時注要質地和cutting啦！記住不可以衝動，要合自己style!
回覆刪除有些貨是「荔枝角工業中心」（地鐵ｃ出口的商場）批發貨，扮是日本貨架！那兒星期六才做零售生意，你可以compare兩個地方的衫，順便格價。
不要買些太潮的款式，便可穿多幾年。儲多ｄ靚衫mix & match，人都開心ｄ。
[版主回覆04/11/2008 20:26:00]嚟緊又就嚟summer喇，又就快要出動喇，突然變得唔鍾意去shopping呀！
呢樣野係普遍公司都會發生,好無聊!一著得好D全世界都會話你"去街呀"!咁又好難日日都著得咁企理架麻,因為又係對住果D人......haha....
回覆刪除[版主回覆04/11/2008 20:27:00]而家好啲喇，個個都會打扮，講吓著衫咁，係苦悶嘅工作時間，心情都會好啲呀！
著左女仔衫,post d 相睇睇呀?
回覆刪除[版主回覆04/11/2008 20:29:00]太忙，無時間影，放咗工個樣又十級攰，遲啲我會補返post上嚟！
講落都係呀，著得靚D會有自信D架，可惜我做咁多間公司都冇需要丫，以前間唔中著下咋，而家返咁近，仲少咗呀
回覆刪除[版主回覆04/11/2008 20:30:00]而家我可以喇，公司嘅同事一齊扮靚，一大樂事呀！
我最鍾意買衫扮靚架啦,就算係大肚都唔可以俾自己丑樣架.我都好鍾意係荃灣買衫,買左10幾年啦...hehe...唔知到時係街度會唔會撞到你哩 ......
回覆刪除[版主回覆04/18/2008 23:02:00]撞見你就好喇！都好想見吓你呀！
哈哈,我諗就算我地見到,都只係我認得你,你唔認得我囉...我個樣變左好多啦...肥左好多....嘻嘻~ !
回覆刪除