2008泰國芭堤雅之旅 第三天 第三話 (shopping食魚翅篇)

續 2008泰國芭堤雅之旅 第三天 第二話 (酒店暢泳篇)

遊完水，我哋第一站係去食水菓，嘩！啲生菓好靚好多好新鮮呀！

買完生菓，我哋就去係生菓舖隔離嘅MALL行街街。

呢個MALL好少人行，的確呢度好多層但無咩睇，好悶，我哋直行到頂樓係FOOD COURT食啱啱買嘅生菓！

食完生菓，第二站就係去南星食翅，哈哈，咁大個女第一次專登去食翅架，好期待架！

登登！主角出場喇！不過唔係想像咁味囉！好水吓喎！賣相又幾差吓咁！下次一定唔食呀！

當然仲有其它嘢食喇，呢度係食潮洲嘢架！有我最愛嘅粉絲扇貝呀！

香港必叫嘅菜囉！

蠔仔粥呀！「賣飛佛」呀！

鮮魷

呢個唔記得係咩，全部都幾好味喎！

扮完豪客，食完翅，再行街！頭先個MALL一無所獲，要再去另一個MALL！

其實同香港差唔多，行咗成個晏晝無特別嘢買，我同vickie san就買咗bra喇！平吖嘛！

好！下一站係walking street！