與雲雲、娜娜皇城打邊爐
哈哈，今日好開心呀，同咗blog友雲雲同娜娜去打邊爐，對上一次，已經係大半年前嘅事喇(雲、娜飯局 (更新照片))，今次都約咗好幾個月先約得成呀！
我哋今日去咗沙田皇城打邊爐，原來佢兩個都未去過皇城架，還好佢哋都覺得呢度唔錯，無老點到佢哋！我哋三個女仔，食咗好多好多嘢呀，食到我差點爆肚呀！哈哈！
我哋一路食一路傾，竟然食到三個鐘呀！勁呀！雖然唔係一齊返工，又唔係一齊生活，但竟然都講到唔停口喎！我自己就好開心喇，希望佢哋都係喇！最衰今日無帶相機，無得影相。下次喇，我一定會再約佢哋，到時我一定記得帶相機呀！
三個女仔一個堆~~~
回覆刪除打邊邊都係因為開心而食多野D ar~
[版主回覆09/05/2008 10:08:00]下次食咩好呢~~~?
我都覺得今次真係食咗好多嘢呀，平時冇咁多的，肥晒，哈哈~~
回覆刪除[版主回覆09/05/2008 10:08:00]係呀, 食得太多嘢呀, 下次食啲份量少啲嘅~~~yeah
下次食韓燒又得, 去Cafe又得~~~咩都得~~~
回覆刪除[版主回覆09/05/2008 20:34:00]Cafe都好喎, 我都好少去Cafe 喎~