近日，我發現自己肥到同一個生咗幾個細路嘅師奶嘅標準身型無乜分別，影相個樣越嚟越衰，衰到自己都無辦法接受，為咗令我係日本之旅嘅相好睇啲，我又要開始減肥大行動喇~~~
有相為證架！肥到咁，好肉酸，所以post呢張出嚟，警惕住自己唔可以再係咁！
今次，我放棄以往用食嘅方法去減肥，因為我實在太鐘意食喇，要我唔食得呢樣又唔食得果樣，太辛苦喇！我今次決定做運動！
其實我開始做運動已經差唔多有一個星期喇，初初我每日只做呼拉圈，但就做足30分鐘，唔做開運動嘅我，己經好苦架喇！但只做咗2日，chiu san就話覺我條腰無咁肥
經chiu san建議，我每日做埋提腿動作，每日都只係30下，遲啲諗住慢慢加下數。就咁我而家就好勤力咁係屋企做30分鐘以上嘅運動喇！
最開心嘅係，今日我有個同事問我係咪瘦咗，佢話我個pat瘦咗呀！嘩！好開心呀，因為佢係唔知我有做運動減肥嘅情況下，都覺我瘦咗，勁開心呀！
嘻嘻！既然有成果，我要繼續努力！減多啲，到去日本嘅時候影啲相靚啲先得！
唔想掃你興.......但係真係有可能玩兩日就瘦左=.=?
回覆刪除其實最有效o既減肥方法係跑步, 但係亦都係最辛苦o既.........我跑開每次個幾鐘......, 我覺得跑步係最好o既減肥運動^^"
[版主回覆10/31/2008 10:21:00]哈哈, 係無咗水腫啫, 哈哈~~ 跑步暫時唔跑住喇, 我唔想突然暴斃, 要習慣一下做運動先~~~
(Empty)
回覆刪除點都好啦，努力呀，話唔定到時會變瘦美人呀
回覆刪除[版主回覆10/31/2008 14:07:00]瘦美人!!!! 好呀, 我要努力呀~~~ yeahyeahyeahyeah!
做運動好吖! 不過都要配合飲食,記位要少油,少甜呀!
回覆刪除我都有去跑步 Keep fit, 可以全身消脂,每次跑一個鐘倒........
總之....努力呀,預祝你成功~
http://hk.myblog.yahoo.com/dorothylam_lavender/article?new=1&mid=115
回覆刪除
回覆刪除個半月由210磅變169磅 http://hk.myblog.yahoo.com/kit92503870/article?mid=102
不可愛的青春豆 http://hk.myblog.yahoo.com/kit92503870/article?mid=79
Case 1：三個月改善經痛 Case 2：3個月減58磅 Case 3: 大約半年時間改善濕疹
3個月增10磅的華藉新加坡人 http://hk.myblog.yahoo.com/kit92503870/article?mid=153
有人說脂肪是不會消失不見，不會被排出，只是會縮小
http://hk.myblog.yahoo.com/kit92503870/article?mid=98
$286 六日減3-5磅 =)* $200 十次護膚 @ 港島: 炮台山、香港仔、中環 九龍: 太子、紅磡 新界: 沙田、元朗、荃灣、火炭、大圍
http://www.carmenchoi.net (記住介紹人寫 權 ) My BloG： http://hk.myblog.yahoo.com/kit92503870 msn:kit92503870@hotmail.com