2009東京血拼之旅 第二日 @ 新宿>原宿

嚟到第二日，原本諗住行去原宿，因為太攰嘅關係，又唔係要特別早去某啲地方，所以都係瞓晏少少，改坐JR去原宿。我哋呢日大約10:30出發離開酒店。今日第一站係去原宿嘅！好向原宿出發出拼喇！

梗係要係LOBBY留吓影喇！呢度LOBBY細細，不過都無謂喇，成日都無人嘅！

CHIU SAN係LOBBY影出去，我已經着咗新褸喇！見到嗎？

YEAH!!!! 要離開酒店喇！

我哋今次住嘅酒店係咪好細間呢！不過我覺得好OK喎！

過咗酒店附近嘅馬路，我哋就經過每日都會經過嘅.......

花園神社，第一日無係呢度影相，呢日補影返喇！不過，就係因為要係呢度影相，出事了！我同CHIU SAN嗌交了。我就一個唔夠瞓會發脾氣嘅人。為咗影相一啲少少嘅事！就咁，我哋就嗌交喇！鳴鳴！一路嗌交一路各自影相呀！就係咁，成個旅程俾呢場交影響到，無咁開心喇！直至去到新宿西口駅，我哋先至言和！唉！下次唔好再咁喇！好慘呢！

唔開心嘅事過咗喇！繼續開心嘅日本之旅先！呢個花園神社雖然唔大，但其實都好靚，我都影咗好多相！

係鳥居前面有對石獅架

係花園神社轉出去，就係好熱鬧嘅大街喇，對正蟹道樂架！

到咗新宿駅喇，梗係又係個駅係咁影相喇！

我哋係喺呢個入口上月台架！好懷念呀！而家諗返，好想呢一刻仲係日本呢！

我哋唔係坐呢架車喎，只係影下啫，我都係坐綠色嘅山手線去原宿！

待續.......... 下一駅，原宿