係迪士尼玩咗成日，臨走時都好餓下，就係迪士尼其中一間快餐店食少少嘢先喇！
廿五周年果然係唔同啲，連啲餐嘅PACKING都有廿五周年嘅靚樣呀！
我哋一人要咗個餐，都係一個熱狗加汽水！
今次我哋呢，就揀坐巴士返新宿，就係我後面架双層巴士喇！啲位都好舒服好大架！仲好快返到新宿呀，好過坐JR左轉右轉喇！
返到新宿，我哋周圍睇下有咩好食，本來諗住去熊本拉麵番炒嘅，但原來熊本隔離有間食文字燒架喎！咁地道，一定要入去試下呀！原來呢間嘢有兩層架，地下一層嘅係有枱有椅坐架，點知一入去個店員話滿座，問我哋上唔上去二樓喎，咁都無所謂喇！
上到二樓，原來坐地下架，仲要除鞋架，正，扮晒日本人先！
chiu san就叫咗杯啤酒，好似卡通啲主角咁豪氣呀！
係我哋面前，就係自助形式嘅鐵板喇！
仲有唔少調味！
chiu san開始查油喇！
我哋order咗一人一個文字燒！首先搞均佢先。
跟住倒落個鐵板。
等到一面熟咗，就要反一反佢！但好難反架，我哋又要搵店員幫手，店員指手劃腳之後。
最終都係chiu san反餅成功。超好味呀！
當啲文字燒熟咗，就可以加木魚，等等嘅配料喇！我最鐘意木魚喇！
因為太油膩，我都要叫返杯烏龍茶喇！
其實我哋好唔慣屈膝坐地下，坐到好辛苦，哈哈！而且一人一個文字燒，我哋係食唔晒，唯有take away喇，佢哋用鍚紙包好就咁俾我哋攞走！又幾特別，唔知日本人係咪唔會食唔晒要帶人嘅呢，因為我feel 到我哋要take away時，佢哋有啲唔知點好囉！
今日嘅行程真係嚟到尾聲喇，好攰好攰喇！好彩唔係買得太多嘢，影戰利品好快搞掂！
行程明天繼續！
沒有留言:
張貼留言