發惡夢呀!! ><

仲有成七八個月先big day，但我由三月尾到尋晚，已經發咗兩次有關big day嘅惡夢。今朝仲要俾個惡夢嚇醒咗。

第一次惡夢係29/3晚，我竟然唔記得帶我買嘅龍鳯手鐲俾媽咪，我係度喊，早知唔買，俾咗咁多錢又唔記得買。媽咪仲無租衫，着不稱身吊腳牛仔褲幫我証婚，唉。好彩係發夢咋！

到第二次，係尋晚，嗯… 應該話係今朝臨起身返工，又發惡夢。今次又係big day，已經係酒樓喇。但係，啲親友完全當我無到，自己各自係度飲酒影相，無人理我係新娘，有啲人自己影完相仲走埋…..我就換衫嘅時間都無，仲係着緊便服….. 仲要同chiu san因為姊妹可唔可以坐埋一枱嘈交。最後，我都係喊咗，辛苦準備咗2年嘅嘢，就咁好似無準備咁就過咗，仲激動到醒咗…..

我平時又唔覺得自己真係有咁又緊張，chiu san就一早話我係緊張架喇。但我真係開始發啲咁嘅夢，我先知我真係好緊張。希望只係惡夢，到時一切要順利呀。