vychiu's Wedding 之 花車 - 呀達London Taxi

呢幾日終於都的起心肝去book 車喇， 距離big day 仲有半年, 再唔book嘅話，分分鐘book 唔到我哋想要嘅嘢喇！

當初，我對book花車係無要求嘅，諗住有就得la， 唔使好貴嘅。但就如其它準新人一樣，搞嘅嘢總會越嚟越多，要求又總會越嚟越高。

本來只係想book 架粉紅平治做花車，點知自己又拖得太耐，無晒粉紅色，得返白色，我最唔鐘意係白色。於是又睇下其它新娘子用咩花車。見人哋用London Taxi影相出嚟又好靚，於是又睇下仲有無期。好彩，雖然粉紅色無期，但我大愛嘅桃紅色有期呀。哈哈！總算搵到架啱自己心水嘅花車。咁價錢又梗係比平冶貴啦。

尋日去咗睇車，我哋係搵呀達，係沙田好運中心停車場睇車，啱晒我哋喇，非常就腳呀。去到呀達就開車俾我哋坐上去慢慢傾細節，唔使係停車場度焗住。車箱內裏好寬敞，我哋兩個都覺得好舒服，一上去就好鐘意，跟住問下嘢又傾下偈咁，就confirm 咗。呀達就如其它用家咁講，佢個人真係好nice架。