2009東京血拼之旅 第三日 (part 1) @ 新宿早晨

嚟到第三日，今日嘅第一個目的地就係築地喇！我哋一早就起身，其實都唔早喇，出門口已經係7:00喇！我哋始終都唔可以好似其它人咁天未光就出動，因為實在太攰喇！

我哋離開酒店喇！因為今次係帶450D，真係咩都影一餐，所以我哋用咗係影相嘅時間係好多好多，又因為影咗好多相，淨係係新宿去駅坐車都影咗無數咁多相，所以，新宿早晨我都寫一餐喇！哈哈！

係我身後嘅YOMO係一間便利店，但比一般7仔果啲平啲架，又係正酒店樓下，所以我哋都好鐘意係呢度買嘢飲返酒店夜晚飲~~~

就係喺酒店門口之嘛，我哋日日都可以影影影！

對正酒店對面果條街喇！呢度其實都好靜，無諗過新宿係可以咁靜架！

我哋企係同一個位置不過係咁影，我哋又唔悶架喎！

連消火器我哋都影一餐呀！

酒店樓下有間Salon架！如果唔係去日本之前剪咗頭髮，都好想入去恤返個靚髮呀！

影完相，我哋又經過神社花園出返去大街喇！

今次我哋試行地下商場，睇下可唔可以去到新宿駅喇！

一早嘅地下商場好鬼靜架！得啲趕住返工嘅人係度行咋！

點知，原來係去唔到車駅，只去到新宿太子酒店喎！我哋下次都係住返新宿太子算吧，真係就腳好多呀！

過咗新宿太子，去到新宿西口駅，我哋今次決定去丸內線，再去銀座轉車去築地！

我哋於銀座到此一遊呀！

我哋就係坐呢一架車就去到築地喇！

到喇到喇！終於都到築地喇~~~ sushi我嚟喇！

續.........