嚟到築地喇！已經8:20喇！準備出發去食我哋嘅壽司早餐喇！
由駅行過去魚市場，路經呢個好靚嘅建築物，其實係唔知乜東東！
繼續向前行，早晨嘅築地，感覺好舒服呀！
對面碼路就係外市場喇！過咗外市場就係我哋要去食壽司嘅內市場喇！
到達外市場，心情已經好興奮！
外市場呢條街，係好多食嘢同買菜買海鮮嘅舖頭！但我哋無食，因為我哋目標為本，壽司為目標呀！
到喇到喇！係咪好多人排隊呢！哈哈！其實呢度有兩間我哋會食，一間要排，一間唔使排，我哋梗係食間唔使排架喇！嘻嘻！
我哋就係坐係呢張又長又窄嘅枱食壽司！唔會見無人坐呀，其實佢有兩個舖位，一邊FULL咗，佢見我哋入嚟，先開埋呢一邊俾我哋坐，我哋坐底一陣，呢邊都FULL埋喇！
樣子好吸引呢~~~~~真係好好味架！
就算係呢款，我都覺得十級好味！好想而家有得再食呀！
噢！MY LOVE呀！出場喇！好肥美嘅海胆呀！好好味呀！
可惜，影影下相，有個嬸嬸同我哋指手劃腳，我起初都唔知佢想講咩，後來先明白原來唔俾影相！吓！唔係吖嘛！咁好味又咁靚嘅嘢食，唔可以影返嚟回味一下？太可憐喇！唯有盡情食晒佢喇！
好豐富嘅早餐呀！我就係咁，就開始食滯咗喇！鳴鳴！
續...........
你去左邊間度食?? 我去左大和食 o個度可以影相喎, 我因為覺得太迫, 所以收埋左部40D, 拎部G10影, 但係有外國人都係用大機影相, 都冇俾人話^^"
回覆刪除[版主回覆03/22/2009 17:11:00]可能佢哋都係睇心情架咋！我唔好彩喇！
係咪大和呀? 好似佢唔比影相ga
回覆刪除[版主回覆03/22/2009 17:09:00]我都唔記得叫咩名喇~~~~ 係條巷嘅中間架！唔俾影相好失望呢~~~
好正呀~~~
回覆刪除[版主回覆03/22/2009 17:09:00]無錯~~~ 真係令人好回味呀！
件海膽好吸引
回覆刪除[版主回覆05/10/2009 16:47:00]係呀, 所以我同件海胆講, i will be back~hahahaha