去濕地公園做野

今日因為工作關係，第一次去濕地公園。不過天氣唔好，雨不停咁落，搞到周圍濕濕咁，所以無周圍去行。係咁易影咗幾張相。

呢度就係我今日去做野果個stage，話就話係press conference，不過，人丁單薄得可憐，工作人員仲多過記者。

地下果層係shop嚟架，不過就'多'野行到嚇死人，行咗都唔知有無兩分鐘，我已經行返出嚟，唔想再行。
上面果層係員工office，個office都係正到不得之了呀，好似人哋啲design house咁feel，真係非一般政府辦公室，郵政局真係要向佢哋學習吓，咁我哋做嘢都做得開心啲，咁先至係佢哋成日講嘅[處處為同事著想]呀！


出面就係濕地公園喇，如果好天，應該會幾靚嘅！可惜陰天，仲要望到大陸皇岡口岸，即刻影響咗個view喇！


本來一場嚟到，點都要睇吓[貝貝]喇！唉！佢都係唔想見我喇，佢走咗入去瞓覺，所以見唔到佢，失望！