2008泰國芭堤雅之旅 第一天 第七話 (極靚resort篇)

續2008泰國芭堤雅之旅 第一天 第六話 (轉車篇)

終於到達我最期望嘅Woodlands酒店喇~

個入口, 同一般酒店好唔同, 好有渡假嘅感覺, 好feel, 好舒服架~

上面咁正嘅環境, 都係lobby嚟架, 雖然無冷氣, 但依然好舒服, 一流呀!!! 我好鐘意呢度呀!

我哋就係坐係呢個咁舒服嘅lobby辦理入住手續, 仲有冰凍果茶送上, 冰涼毛巾一條, 正到痺呀!!!!

辦完手續, 上房喇, 啲房得兩三層高, 好渡假呀~~~ 我真係好鐘意呢度, 簡直入咗去唔想周圍去呀~~

我同chiu san就係住呢間房喇~

fung san同vickie san就係隔嚟房~~~好近呀, 好方便, 最方便佢哋打機喇!!!!!

入到房仲有兩個生果送上, 唔使錢架~~~~我都好鐘意間房架, 係鋪地板唔係地毯, 清潔好多呢~~~又唔會太少燈光, 我夜晚怕黑架~

仲有即沖咖啡免費飲, 每日仲有兩支乾淨支裝水俾你, 服務一流喇~~~

開心到自戀病又發作, 自拍一番~~呢度實在太靚喇

呢度每一間房都會有一個露台, 不過係多蚊, 不過又真係好正, 周圍都係花草樹木, 好似退咗休嘅生活, 如果日日都可以係呢度生活, 命都長啲呀~~~~

放底袋就準備出發去食飯喇, 順便係度又影一大餐~~~

Today: Yesterday: