今日好好天，我出去灣仔接chiu san放工食飯，天氣好，人都開心啲，雖然係好熱，但係難得香港熱得嚟唔辛苦，真係要好好珍惜。
我搭火車出去嘅時候，仲咁啱俾我搭到呢架咁靚嘅火車，梗係要影底佢喇！
無論車門，
車箱嘅內面，
椅子，
都有好可愛嘅圖案同公仔，
原來呢車箱嘅設計師係 Leo Tang，其實我唔知佢係邊個，不過坐係呢架車，感覺好清新，好舒服。
車箱出面都好靚架！
落咗車去到尖沙咀文化中心對出，個天靚到呢，忍唔住要影一影佢，因為我怕唔知幾時又唔見咗佢。
咁好天影婚妙相一定好靚，祝佢哋幸福快樂！
香港引以為榮嘅維港影色呀，係天朗氣清嘅情況下，真係好引人入勝。希望政府唔好再填海就好喇！
係咁好嘅天氣下，又有涼風送爽，好多人都坐係樹陰下，的確係幾舒服。
我好少去灣仔，而且仲要咁靚，大廈外面就好似一面鏡子，映出藍天白雲。好開心！
跟住我同chiu san去咗銅鑼灣 sogo地庫食咖哩飯嗰間食晏，雖然不及係日本嘅咖哩好味，不過都好好味，因為都係日本咖哩，食嘅時候可以想像自己身在日本呢！哈哈，我會再去食架，因為我太懷念日本嘅感覺，呢度俾到我，真係架！好感動呀！
我一直想去這間食咖哩! 但是我好怕辣的啊! 想問下辣唔辣呢?
回覆刪除冰藍：唔 ..... 我覺得有少少辣，你有無係日本食咖哩？其實同日本果隻味差唔多，少辣，同[大家食]咖哩雞飯好唔同，比果啲少辣好多，有少少少少甜 ，好香架 ！你都去試吓吖！
回覆刪除又真係好靚呀 ! 你唔講唔覺 , 真的 ! 你在尖咀影過去香港那邊 , 好似好近 . 日本真的令人嚮往 .
回覆刪除在電視都看過那列車，你就好啦！ 我都好想坐下，嘻！
回覆刪除懷念日本....應該去日本喎
回覆刪除kitty fans: 其實維港真係幾靚，不過唔知仲可以靚幾耐，係咁填海，就嚟變維多利呀河架喇！ Nala: 我一路都好期望坐呢啲火車架，因為真係好靚，終於坐到喇 ！坐呢啲火車，感覺無咁冰冷，如果火車嘅冷氣唔係咁冰凍就會更好！ chiu: 我都好想即刻不顧一切飛身去日本呀，可惜盤川用盡 ，希望下年可以去到喇！
回覆刪除好呀! 等我去試下啦~~
回覆刪除