買咗新電話喇~

買咗喇~買咗喇~ 好開心呀，終於都換咗新電話喇，係N73呀，雖然係舊款，不過係新色，好似話係今年九月先出嘅銀影白色。

不過，trade 咗部舊嘅SX813真係有啲唔捨得，因為我果時真係好鍾意佢先換佢，我到而家都仲覺得佢幾靚，又無壞。可惜人真係貪新忘舊，有新嘅梗係想換新嘅，trade 佢果陣，真係好唔捨得，但佢值$1000呀，再遲啲唔值咁嘅價錢喇！無理由大拿拿成千蚊唔要ma。

個電話用咗3日喇，都仲未熟習到，因為我從來無用過Nokia嘅機，而且又鬼咁多function，有排玩呀！不過好開心可以用kitty 嘅wallpaper 同用 王菲嘅聆聲。因為以前部SX813係無得玩wallpaper，同埋用mp3聆聲係要用有版權嘅，咁即係要錢買，咁即係唔使玩囉！而家有好多嘢玩呀！