新髮型~

喺上個星期六，我同chiu san終於都去咗剪頭髮喇，其實我哋諗住剪頭髮好耐架喇，但chiu san甩臼，計劃就推遲到上個星期六。

有睇開我個blog，都知我係長髮，成日都係束起啲頭髮嘅。其實我都真係留到好長，留咗兩年，過晒背部一半架喇，哈哈~係咪睇唔出呢！今次我剪咗一個短髮，類似bob 頭，其實我覺得好似我哋細細個果陣個冬菇頭呀，好爽，洗完頭超快乾呀！我就係為咗洗頭快啲乾而剪嘅！哈哈！

我好鍾意我個新look呀！當然個個見到都好驚訝喇！問我做咩咁捨得之類嘅問題喇！有人話好好睇，有人話我個樣又細個咗！嘩！好開心呀，好評如潮！

我個妹仲話：「家姐好似變返細個果陣咁呀！」

VY大人出場!!

我就只不過係撜了青~~