2007年11月26日 (星期一)
呢日因為媽咪有好節目，同啲師奶一齊去大澳，所以無煮飯，於是我哋就約埋係沙田 金沙西日料理 食晚飯喇！亞妹話幾好味喎，又試吓先！
我哋一人叫咗一個set，每set有魚生，日式蒸蛋，菜沙律，一個面或者飯，同埋一球雪榚。
就係呢三片魚生喇。唔可以話好好食呀，不過好過無咁解喇！
個蒸蛋係唔錯呀！
呢個係我細佬個餐碗海胆魚生飯，佢個餐成七十幾蚊架，貴就貴咗呢個飯，不過得三片海胆，又唔新鮮，啲魚生又舖唔晒啲飯。我一定唔會再order。
呢杯雪榚，我無食到，因為太飽喇，俾晒我細佬食。哈哈，佢發育時期嘛！
總括而言，啲嘢食好一般，我唔會再去囉。不過難得一家人齊晒人坐埋一齊食飯嘻嘻哈哈，係幾開心架。我哋一路食，一路講我哋細個啲趣事，真係笑到眼水都出埋呀！
好似好好味咁喎
回覆刪除[版主回覆11/30/2007 09:15:00]其實啲嘢食都ok架！你搵日都去試吓呀！不過要待你好返，又方便帶bb出街嘅時候先得喎！
好肚餓呀見到D野食，我下次都要去呢間食
回覆刪除[版主回覆11/30/2007 12:44:00]去喇！去喇！間嘢係沙田廣場架！
係沙田邊度架？我又想約同朋友去食丫！ 好似好好味！
回覆刪除[版主回覆11/30/2007 15:56:00]係沙田廣場架！你知唔知沙田廣場係邊呀？佢係沙田 新城市廣場隔嚟架！可以係新城市行到過去架！唔清楚你再問我喇！