2007年11月4日 (星期日)
chiu san 又約咗陳醫師，幫佢針炙埋今次，針埋今次，佢隻手應該唔使再針喇！因為30/10去醫院覆診，西醫都話佢好返晒，係要佢自己做運動。今次，陳醫師都話佢其實都好返晒咁滯，之後都係靠佢自己做運動。
今次，陳醫師主要針對chiu san剩返嘅痛位針，係佢嘅痛位落咗三針，咪就係下面紅咗果度，注意，紅咗並唔係因為針到紅，而係chiu san之前日日貼藥膏布，貼到有啲敏感(真係俾佢激死
當然都要係其它位針吓喇，因為聽陳醫師講，啲經脈周圍都通架，所以針其它位都有功效架！記得唔好自己針呀，要搵信得過嘅中醫去針呀！
因為每次針都要大約15分鐘，係呢15分鐘其間，閑談間陳醫師得知chiu san呢排鼻敏感發作，好辛苦，於是又整多針佢嘆吓。嘩！此針一出，非同小可呀，第一次見到係面上施針呀。睇就真係有啲心驚呀！不過chiu san話唔痛，而且此針威力驚人呀！本來個鼻勁塞，一針落去，chiu san話即刻通咗喎！佢話好舒服呀！嘩！真係好勁呀！
陳醫師話，如果鼻敏感係好嚴重，其實仲有兩針可施，就係鼻嘅兩邊，不過就好好痛，而且chiu san唔係好嚴重，所以唔使施果兩針。你睇chiu san幾開心，就知呢針幾有用喇，搞到chiu san滿心歡喜。
針炙完畢，陳醫師攞咗樣對我哋嚟講，好新奇嘢出嚟，就係兩個好似魚江仔嘅嘢出嚟，原來係拔罐呀！聽就聽得多，今次真係第一次見呀！好得意呀，吸得好實架！唔好跌出嚟架！
就咁，最後一次嘅甩臼療程就咁完喇！今次真係要特別多謝陳醫師，山長水遠走去chiu san屋企幫佢醫痛手，得佢嘅仁心仁術，chiu san隻痛手又無計可施，以至而家三個星期就好得八八九九，真係無限感激呀！之後chiu san仲會搵醫師醫埋佢個長期病──鼻敏感。陳醫師變咗chiu san嘅家庭醫生喇！
嘩!見到都痛丫！chiu san係唔係真係唔痛架？
回覆刪除佢好叻丫~比我就驚飽！~喊死！
[版主回覆11/05/2007 21:37:00]針落皮的一刻真係小小痛,跟住會小小"比" 如果針的地方係有傷的話，係會好痛同好比 但係只係一陣間，好快就唔痛 過多大約１０分中，醫師會轉一轉針的，果一下又係會好痛同好比，但都係一陣間，大約轉３次到就完一次針灸 其實只要知道會好返好多，再痛都係值得 ^.^v
哈哈! 之後到我要醫師解救......
回覆刪除救我呀
[版主回覆11/06/2007 23:40:00]你個發乜風話??要快d好返呀!! 記住唔好R呀!
看见都心痛，vychu 要好好帮他打气，Chiu San get well soon!!!
回覆刪除[版主回覆11/06/2007 23:38:00]其實好好多了~~ 你看相中的我多開心,你便知道我有多好了! 謝謝你^.^v