一生日本放題

尋晚，同chiu san &朋友Z，去咗銅鑼灣嘅一生食日本放題，任食呀，我成個星期之前已經BOOK咗位

架喇！所以一直都好期待呢一餐

。話說本身係無chiu san份，而係朋友Z、查理仔同我三個人食，點知查理仔媽咪之前一晚發高燒，佢放工要趕返屋企睇媽咪，所以呢個空缺，由想食一生好耐嘅chiu san

補上！希望查理媽快啲好返就好喇！

之前同朋友Z都嚟過呢度食，之前有個位係要除鞋坐嘅，我覺得好過癮，諗住今次都有得坐，點知去到有啲失望，果個位用布封咗(上圖左下)，進行裝修工程。不過唔緊要，有得食好嘢就得喇！

為求食得抵，我哋勁叫魚生及喜愛嘅壽司，放段片俾大家睇先

有吞拿魚、劍魚、响螺甜蝦、三文魚，章紅魚、免治三文魚、子持喜靈魚、三文魚籽壽司、山葵八爪魚壽司、八爪魚壽司，仲有好多其它嘢食架！

呢個燒汁牛腩，不過不失，點一次就夠了！

呢個盐燒鳮軟骨串，一客得一份，但都幾好味架！

竟然有北京湯餃子食喎！

炸餃子，個樣好得意呀，好肥呀！

呢條就係鱈魚干

是月精選大蛤壽司，明明點咗三客，嚟得一客，於是我食咗，不過麻麻地，唔吸引，所以無追佢單

呢一碟，唔係一味菜，而係一碟蝦頭，因為朋友Z太喜愛

吃甜蝦刺身，佢一個人食剩嘅蝦頭！

下次要同查理嚟再食過，因為太太太好味喇！

 

你係第

個睇呢篇網誌呢