我同chiu san講咗好多年，話要去廟街食煲仔飯，今年終於去到喇！
2008年1月2日 (星期三)，果幾日都仲係幾涼，最啱去食煲仔飯。呢一日係今年第一日工作天呀，其實無乜特別，只係覺得好得意，新一年，新開始。唔知幾時新一年嘅新開始先至唔使返工呢！？哈哈！
放咗工，chiu san陪我去廟街嘅美髮店買嘢，順路就去食煲仔飯。幾年無去，呢間舖已經由街邊檔變成舖頭，坐得比以前舒服，唔會隔嚟車來車往咁，chiu san係第一次嚟，佢反而想感受一下街邊檔嘅風味喎！
我哋都好早去到，但已經好多人食緊喇！
呢度有多款煲仔飯選擇，都只不過係每煲21蚊咋！
見到隔離枱都叫蠔餅，我哋又唔執輸叫咗個細嘅！
呢個蠔餅，我件食過最好食嘅，一定會再去食過！太好味喇，下次要叫大嘅！
健康啲，都食返碟菜先！
因為煲仔飯係即叫即煲，所以都要等好耐吓，食晒啲勁好味蠔餅再等一會兒，主角終於登場喇！我嘅係[排骨滑雞]
chiu san嘅係[臘腸滑雞]
落咗豉油焗一焗佢先~
好滿足，好好味呀！快啲到下次去食就好喇！
我以前都有去食ga,佢得係廟街食d風味好d,同好好味,我都好耐無去食喇=.=
回覆刪除[版主回覆01/08/2008 14:10:00]再去喇，帶埋bb一齊去喇！而家坐舖頭唔怕整親bb呀！
碟菜都差吾多食晒,D飯都未食得...哈哈... 不過D飯真係幾好味
回覆刪除[版主回覆01/08/2008 22:59:00]無錯，真係好好味，下次一齊去食喇~
我都好想去食煲仔飯........仲有蠔餅！
回覆刪除[版主回覆01/08/2008 23:00:00]個蠔餅真係不得了呀！勁正~