因為要轉新工，返工著嘅衫唔可以好似而家咁求其喇，要去入過批新衫，好煩呀，要買啲女仔啲嘅衫呀！chiu san又要溫書，我就約咗朋友一號(Zoe)陪我去買衫喇！
3:00 Zoe放工後我哋就出咗尖沙咀行咗一陣，係有軍師陪同下，總算有收獲，買咗一條裙一條褲。但都唔夠，於是我哋又返咗沙田行，喺西田都買到一件衫！不過為咗買衫而買衫，又要買指定款，係好辛苦架，好彩總算有收獲，不過有啲肉痛囉！
買衫還買衫，都要食飯架，我哋去咗UCC食呀！佢果個好味啲呀！
呢個係Zoe嘅！
呢個係我嘅！
(p.s. 我放假大部份時間係唔會化妝架，如有嚇親，敬請原諒！)
真係幾麻煩的，我當年返學都試過，一定要著D好斯文的衫，所以我都買咗幾件，但畢業後就冇再著過了
回覆刪除[版主回覆03/25/2008 16:23:00]而家又唔使話好斯文，不過唔可以再牛記就已經煩死咗喇！
是呀！為買衫而買衫的話，反而沒有收穫，可能仲會破費買倒其他無關痛癢的東西。
回覆刪除有沒有去荃灣、葵芳呀？那兒好多靚衫的。
[版主回覆03/25/2008 16:24:00]我無去荃灣果邊行呀，等我搵日去睇睇先！