到咗放假嘅第二日，我約咗W同事去唱K，哇哈哈，好開心呀，我好耐無唱過喇！
本來我哋一早約定係沙田唱LUNCH K架，我前一日問過LUNCH K係一點前入座，點知我哋12:00去到，佢竟然話FULL晒，激死咗呀！但我哋有不死嘅精神，即刻走咗旺角睇吓仲有無LUNCH K，點知都係FULL晒，但我哋似乎唱唔到唔心息，即刻問佢之後咩收費，佢話Happy Hour1:15開始，於是我哋決定等，出去食下嘢行下行，到夠鐘再返嚟唱。
1:15終於都有得唱喇，因為只唱兩個鐘嘅關係，一入房就勁揀歌，點到爆晒，哈哈！我哋不停係咁唱，唱得最多嘅係sammi最近個演唱會，唱到斷氣呀！中間仲有一個小插曲，就係論盡嘅我，唱到手舞足蹈，打翻咗我杯參茶，未飲過架，好可憐呀，仲搞到成地都係，最後我哋兩個要企係度唱！
時間過得真係好快，兩個鐘就咁完咗，我哋都未唱夠呀，不過被趕都要走喇！於是我哋係旺角行咗一陣，仲一人食咗一杯雪榚，因為買一送一，所以食得好開心，平時我哋覺得一杯成四十幾蚊好貴架嘛！
今次應該係我喺呢間公司嘅日子最後一次見呢個好同事喇！其實好唔捨得佢，希望會keep住聯絡喇！
要多謝W同事特意送咗呢個KITTY飯盒俾我，俾我係新公司帶飯喎！咁可愛真係唔捨得用呀！
哈哈！可以唱個夠呀~~~
回覆刪除我都唱了好多次K!~
[版主回覆03/24/2008 10:13:00]唱得兩個鐘，好唔夠喉呀！
換轉是我，一定不捨得用咁靚的飯盒呀！我會用來載飾物呀！
回覆刪除我幾年沒有唱ｋ了，少聽流行曲，連歌名都摸不清。
[版主回覆03/25/2008 16:27:00]我都唔捨得用，不過又俾人話個飯盒失去咗佢嘅存在價值，好矛盾。
我都無聽新歌，係咁唱舊歌，唔好話新歌，連果個係乜水都唔知。唉！一唱k就俾人知我幾大年紀喇！