「一生」聚會

6 May 2008

呢日，chiu san 約咗佢嘅一班好朋友去「一生」飯聚，我又做咗跟得女友喇，因為我想食嘢囉！

未食之前，我梗幫佢哋影返張少有嘅合照喇，佢哋好少影相架，我覺得佢哋要唔同時期影返啲相先得呀，所以我提出要影呢張咁多大男孩嘅相囉！佢哋係中學嘅好朋友，維持到而家，好難得。到今日，佢哋仍然好似長不大嘅小孩子！

仲有呀，佢哋嘅膚色都好大對比架！

影完相，呢班大男孩都急不及待開始搶食喇！

因為係放題嘅關係，任食任叫任攞，不到一陣子，成枱只剩返「吉」碗「吉」碟。一大班暴龍呀！

飯後餘興節目，PSP對戰呀！

大家今晚都好盡興好開心呀！真係飲飽食醉，仲玩過夠添呀！

希望佢哋除咗有呢個「一生」嘅聚會，仲會係一生嘅好朋友喇！