雲、娜飯局 (更新照片)

尋晚，我同雲雲、娜娜兩個blog 友第一次見面呀！之前我一路都好緊張呀，一來好開心可以同佢兩個見面，二來又怕第一次見面唔知講咩好喎！

不過原來呢個原全唔係一個問題，因為我哋一見面，就係咁傾係咁講！好似有講唔盡嘅話題咁，真係乜都講呀！

我哋去咗沙田廣場嘅[金沙]食呀，我同娜娜都食過，覺得ok，又坐得幾舒服咁，於是就就揀咗呢度“談心”喇！

我哋7:00左右開始食喇，傾下食下咁，唔經唔覺，竟然傾到成10:00呀！哈！真誇張呀，但除咗我之外，原來佢兩個今日要返工呀，所以係時候走人喇！我哋食嘢嘅時候，真係只掛住食同講，無乜點影過相呀，所以食完嘢，我哋就走去影相留個念喇。我哋去咗新城市影相，影得好開心呀！仲係度扮蝴蝶添呀！因為今年新城市以蝴蝶為主題嚟佈置，當中有三隻大蝴蝶，我哋企係蝴蝶前面影就變咗雲雲蝶，娜娜蝶同vy蝶，好搞笑架！

影完相，就曲終人散喇！但因為呢個飯局真係太開心喇，返屋企途中係咁同chiu san講講講，連chiu san都話我尋晚一定食得好開心，仲話唔明點解我哋可以有咁多嘢講！

雲雲、娜娜！我期待同你哋嘅下一次約會架！

(因為我忘記帶card reader返家，相片後補呀！sorry~)

-------------------------------------------------------------------

(以下照片由雲雲提供！雲雲我借咗你啲相呀！)

-----------------------------------------------------

(我部相機嘅相呀, 更新咗喇)