今日係情人節，真係一個有人開心有人愁嘅日子呀！點解？因為蜜運中嘅，一定開開心心，甜甜蜜蜜，未有着落嘅，喺呢啲日子，可能會愁雲慘霧咁過！
不過，唔緊要喇，我祝有大家有情人終成眷屬，未有情人嘅，早日搵到另一半！
今日，我有個同事收花，其實佢年年都會收到花，真係令人羨慕，收花真係好開心呀！而我，chiu san都有送過一年架，因為我講過，唔使年年送，但一定要送過，於是，第一年我就送到我人生第一束花。直到今年，都係無花收喇，因為chiu san之前已經同我講，本來想前幾日放工買花俾我嘅，可惜啲花唔靚，所以vy今年係會無花收。哈哈！當時我聽到都已經好開心喇，因為chiu san都講過送咗一年，以後都唔送架喇，今年佢有咁嘅心，我都好開心喇！女仔有邊個唔想收花吖，你哋話係咪？
不過我同事就唔太鐘意呢束花，同我品味一樣呀，唔鐘意太大太長型嘅花，細細束，圓圓的，就好靚喇！加上我同事唔太鐘意rose，而我就鐘意紅rose。不過，我哋兩個傻婆都圍住呢束花影咗勁多相！玩咗好耐！哈哈！
今日，人人都以為我出街喇，其實，chiu san今日要返學，所以前兩日我哋已經慶祝咗喇。12/2，我哋已經去咗尖沙咀海港城嘅魚一丁食情人節飯。
有我最鐘意嘅清酒煮蜆。不過都係和民嘅好食啲。
汁燒元貝
仲叫咗個雞肉火窩，湯用三文魚做嘅，鮮到爆呀，呢個推介呀！
呢條就係雞肉喇！
好美食嘅一餐，仲好飽足添！於是食飽飽，我哋係附近行吓！影呀桃花，轉多幾個圈，希望今年好運水呀！
情人節快樂呀！
情人節快樂,日日都係情人節~!
回覆刪除[版主回覆02/14/2008 14:09:00]YEAH!! 你哋都係喇！
Happy Valentine
回覆刪除[版主回覆02/15/2008 11:16:00]you too la, 仲有longlong同你哋過，一定好鬼SWEET啦！
你們好sweet呀！我就未收過花喇！也沒有特別慶祝。你同事那束好重型呀！一定好貴了！祝你男友永遠錫晒你。
回覆刪除[版主回覆02/15/2008 11:16:00]多謝你呀！我都希望chiu san永遠錫晒我呀！
我同事束花真係好重型，你形得太好喇！
So sweet~ 羡慕屎人la~~~~
回覆刪除[版主回覆02/18/2008 09:56:00]哈哈，突然話去食飯，我乜準備都無，妝又無乜點化咁，醜死喇！
拍拖时我老公每天都给我一蔟花，99枝玫瑰也收过几次。现在我们已一齐20年啦，这种习惯也跟心路历程，年纪淡化了。他会买盆栽回来，他说他会打理它们让它们开花，使它年复一年地开花来证明不只几天的灿烂。而我对收花的感觉也平淡好多，我宁愿吃，让肚子舒服。
回覆刪除不过，我老公买回来的盆栽到3-4个月便打柴呢，重要我执手尾 。